Նիդերլանդների Թագավորությունում Հայաստանի Հանրապետության դեսպանությունում գործում է հերթագրման նոր համակարգ

26 մայիսի, 2023

Հարգելի՛ քաղաքացիներ,

Տեղեկացնում ենք, որ Նիդերլանդների Թագավորությունում Հայաստանի Հանրապետության դեսպանությունում գործում է հերթագրման նոր համակարգ։

Այց ամրագրելու, ինչպես նաև մատուցվող ծառայությունների վերաբերյալ մանրամասն տեղեկատվություն ստանալու նպատակով խնդրում ենք այցելել էլեկտրոնային հյուպատոսական համակարգ հետևյալ հղումով՝ https://consular.e-gov.am/am/

Համակարգում գրանցման համառոտ ուղեցույցը տեսանյութի տեսքով կարող եք դիտել այս հղումով՝ https://www.youtube.com/watch?v=-JreqF7eRSY

Կայքում մանրամասն նկարագրված է նաև անհրաժեշտ փաստաթղթերի ցանկը, խնդրում ենք ուշադրությամբ ուսումնասիրել դրանք և հյուպատոսական բաժին ներկայանալ միայն ամբողջական փաստաթղթերով (պատճենները՝ 2 օրինակից)։

Հյուպատոսական հարցերով քաղաքացիների ընդունելությունն իրականացվում է երկուշաբթիից հինգշաբթի օրերին՝ ժամը 09:30-ից 13:00-ը՝ ՄԻԱՅՆ նախապես ամրագրված այցի հիման վրա:

Հեռախոսազանգի միջոցով հյուպատոսական հարցերի վերաբերյալ պարզաբանումներ ստանալու նպատակով խնդրում ենք զանգահարել երկուշաբթիից հինգշաբթի օրերին ժամը 15։00-17։00՝ +31703311002 հեռախոսահամարով:

Էլեկտրոնային փոստի միջոցով պարզաբանումներ ստանալու համար խնդրում ենք Ձեր հարցերն ուղղել consul.armembnl@mfa.am էլեկտրոնային հասցեին՝ նշելով խնդիրը, անունը, ազգանունը և հեռախոսահամարը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր